Bergsfjellet

Frå Bakke følgjer du anleggsvegen mot Kvartsbrotet, som var i drift frå 1950, men anleggsarbeidet tok til i 1947. Drive av Norwegian Talek A/S, eit selskap under bergensfirmaet Jacob Kjøde A/S. Kvartsen vart henta ut i dagbrotet i Horgaberget og køyrd med lastebil til steinknuseverket nede i bygda. Etterpå vart steinen sortert i stein, grus og singel og skipa av garde. Nedlagd i 1968 grunna manglande etterspurnad. Ta av på sti like oppom Horgaberghaugen. Stien ned att til Lammanesheiane går på halvvegen over i skogsveg.