Gjelle - Gråsidetoppen

Ein populær dagstur med Voss som utgangspunkt er turen til Rosethytta og vidare opp på Gråsidetoppen. Skal ein til Gråsidetoppen fyl ein i byrjinga den t-merka ruta som går over Gråsida, (Hjelle / Gjelle – Torfinnsheim). Ved Pili tek stigen til Gråsidetoppen av. Vel oppe tek ein same ruta ned att, eller ein kan gå over Gråsidetoppen og fortsette på stigen mot Torfinnsheim.

Lengd: Ca 12 km og 5 timar tur/retur Stigning: i overkant av 900 høgdemeter stigning. Startpunkt: Gjelle Turkart referanse: Voss 1:50 000 (Statens kartverk), Voss 1:25 000 (Ugland IT). Merknader: Ruta er T- merka. Dei t-merka rutene på Gråsida er lange og går i høgfjellsterreng. Vær difor budd på skiftande vær, ta med nødvendig utstyr samt kart og kompass. Går ein turen frå sentrum kan ein rekne 1-2 timar ekstra. Ynskjer du å jakte eller fiske på Gråsida må du hugse å kjøpe jaktkort og fiskekort. Dette kan kjøpast på turistinformasjonen