Gullgruva & Blåane (frå Jølster)

Tru det eller ei, men det har vore gullgraving i Gullgruva ved Blåane! Spora etter gullgravinga er tydelege. Turen startar på å gå på noko gjenngrodd skogsveg frå Flaten på Eikås. Etter skogsvegen går du i myrlendt lyngterreng i koseleg fureskog. Det er berre delvisItidvis sti og noko kratt, så det kan vere lurt å ha godt skotøy på seg. Tidvis kan det også vere noko vanskeleg å orientere i rett retning i fureskogen. Turen tek kring 1-1,5 time opp.

På veg opp får du utsikt mot Jølstravatnet i aust. På eit par parti har du utsikt ned mot gardane på Eikås, Mo og mot fjella på Holsen. GPS-sporet går innom gullgruva først. Denne ligg rett under toppen på Blåane, der du finn ein flott varde og får flott utsikt mot Flugedalen i Førde, baksida av Viefjellet og mot Mo. Les meir om gullgruva i lenkene som ligg ved.