Helsethornet 1008 moh

Helsethornet er eit grensefjell mellom Eid og Bjørkedalen.

Frå parkeringsplassen går stien oppover til venstre. Omlag halvvegs oppe i fyrste bakken tek stien av til høgre. I starten går stien gjennom lauvskog, for deretter å kome opp på snufjell. Her er det mange fine fiskevatn og dalar å sjå ned på. Stien går langsmed ei lita elv, der det er mogleg å kjøle seg ned. Etter omlag 2/3 av turen minkar det på stien, og ein kan då halde til høgre mot det høgste punktet i terrenget. Frå toppen har ein flott utsikt ned mot Fladalen. Går ein eit par hundre meter til ein varde lenger nord (Tua), ser ein Bjørkedalsvatnet, med Torane og Felden bakom.

Turen tar ca 3 timar tur retur.