Kaldavatnet rundt

Start frå parkeringsplass ved Røgle. (bomveg) Frå Røgle er det bratt stigning opp Valheimsskaret og inn til Valheimsstølen. Herfrå har du utsikt over Årdal og Ryfylkefjordane. Stien går vidare forbi Stortjødneholene (her låg ein gong ei stor tjønn, men munningen rasa ut mot Bønardalen og tjønna tømdes) langs foten av Tofjell og inn til Lomslidtjødnane. I lia på nordsida av Lomslidtjødnane ser du to lange smale steinar som står oppreist mot kvarandre. Her skjedde det ei ulykke tidleg på 1900 talet. Ein mann kom i klem mellom to steinar og døydde her. Stien går vidare inn Lurdalen og over Huldremyrane, kryssar Tverrmundsdalen, som alltid er tung og våt. Derfrå opp på Faksafjedlet som er høgaste punkt på turen,så ned Faksadalen til Kaldavatnet, rundt dette og langs oppgått sti tilbake til Røgle.