Losar, losing og ei losskøyte frå seglskutetida

I den siste seglskutetida, frå rundt 1840 - 50 til byrjinga av den fyrste verdskrigen, gjekk norsk lostjeneste i stor grad føre seg som den hadde gjort sidan mellomalderen. Hamnelosar tok fartøy ut og inn av dei mest trafikkerte hamnene, medan sjølvlærte lokale folk, menn, kvinner og til og med ungdommar, måtte trå til som losar i sine lokale miljø. På det vesle losværet Marøy, på ytterkysten i Molde, vart denne tida den siste perioden med losing. Folk på øya vart i staden fiskarar. Det er losinga sin siste periode me skal sjå på i føredraget. Me vil og sjå nærare på samtidas losbåtar, losen sitt viktigaste verktøy. Her vil me til slutt og vitja losskøyta Skudenes som no er inne til restaurering, som og kan vera med på å kasta lys over losane sine arbeidskår og rolle etter århundreskiftet.

Losbåt fotografert av A.B.Wilse.