Svardalen / Steindalen til Vevring over Korsskaret

Du går på skogsbilvegen opp til Åmotstølen. Det er bru over Støylselva ved snuplassen, og skogsveg ut forbi Fossen ved Boliasholten. Frå Boliasholten går du nokre hundre meter sørover på myra. Sving så vestover og kryss ei lita elv. Då får du ei myr på høgre sida og gå vidare ut over mot høgdedraget. Det er ein godt synleg sti vestover. Der det er slutt på høgdedraget, svingar du sørover opp mot Korsskaret. Vest for stien ser du restane etter Høyvikestølen rett før du kjem opp dit. Høyvika i Høydalsfjord leigde stølsrett der av Svardalen. Frå Korsskaret kan du gå ned Sveene til Vevringstølen, og vidare derfrå til Vevring. Eller du kan gå sørvest over frå Korsskaret mot Vassbotnen. Der er det slakkare terreng enn ned Sveene. Dette er ein relativt lett tur.

Turen er teikna inn og er ei rettesnor