Torsnes - Daurmålsdalen

Skildring av tur

Stien går først gjennom granskog og vidare i lauv- og furuskog til du kjem opp i Daurmålsdalen. Nokre bratte og glatte parti på berg etter granfeltet; elles god sti. Stien inn Daurmålsdalen går forbi ei hytte og vidare flatt innover på austsida av vassdraget. Når du kjem til enden av denne flotte dalen går stien bratt opp langs fossen som renn ut av Demmevatnet. Dersom snøen ligg lenge er det kanskje ei snøfonn som ligg oppå stien og fossen i dette bratte partiet. Då er det ikkje forsvarleg å gå vidare. På toppen av det bratte partiet er det ikkje langt til utløpet av Demmevatnet, der merkinga stoppar. (Det er umerka sti vidare til Gjetingsdalen og til Grønrimb.

Sesong

Juli - oktober/november

Råd for turen

• Ta med mat, drikke og vindtette klede.
• Du bør ha fjellstøvlar, men har det vore tørt ei stund kan du også bruke joggesko.
• Mobildekning er god opp til hytta i Daurmålsdalen, men ikkje dekning vidare.
• Vi anbefaler kart og kompass, ev. GPS.
• Det er bandtvang 1. april – 20. august.
• Det er forbode med open eld i skog og mark 15. april - 15. september.
• Til fots kan du ferdast fritt i utmark, men ver varsam og ta omsyn til dyr og fuglar, og til naturen elles. Ikkje kast søppel.
• Turistinformasjonen kan gi opplysningar om fiske og kjøp av fiskekort.