Tortnegrøegga

Tortnegrøegga ligg i Stardalen og er ein av dei flottaste toppturane i Jølster. På toppen kan ein nyte fin utsikt mot Jølstravatnet og nedturen består i jamnt og fint terreng med helningsgrad mellom 20-30 grader. Dette sett bort i frå toppen, kor ein kan velge å køyre ned i bollen til høgre rett frå toppen; 30-35 grader i følge NGI. Sjå vedlagt lenke for skredutsette områder. På veg opp kan det også vere litt utfordrande å ta seg over ein skavl som ofte bygger seg opp.

Kor lang tid ein brukar opp kjem an på kor tidlig det er i sesongen; etter kvart som snøen trekker seg tilbake kan ein bruke skogsvegen opp til støylen mot betaling. Parkeringsplass finst både i enden av grusvegen opp til støylen og nede ved betalingskasse for bruk av vegene.

Tortnegrøegga er ein snøtrygg plass og ein kan derfor finne snøforhold her tidlig på sommaren om ein toler å gå litt.