Akslene / Nautefjellet (724 moh)

Inntegna rute går ifrå Hestenesstøylen. Hestenesstøylen ligg fint til, med Støylsvatnet nær.

Der er bilveg til Hestenesstøylen. (Kjem du ifrå Sandane tar du av på Hestenes, ved buss-stoppet og køyrer opp i bygda til bompengekassa.)

Inntegna rute er gått på ski, ein flott vårskitur, som er forholdsvis lett. Det er saga ned greiner/tre, så ein kan sjå traseen enkelte plassar iallfall.

Akslene har fin utsikt til Devika, ut fjorden og Lote/Anda-området. Går du eit lite stykke får du utsikt mot Gloppefjorden, Sandane og fjella med breen i det fjerne.

Ynskjer du å ta dette som ein fottur, kan du gå tilnærma same ruta. Her er ikkje skilta/merka, men er greitt å finne fram ved å bruke sporet.

Du tar av frå skogsvegen der kraftlinja og skogsvegen deler seg.

Turen tar ca 1 time ein veg.