Arvesynd - ein litterær samtale om drukkenskap, farsskap og faenskap med Mimir Kristjánsson

Alkoholen har runne gjennom åra til Mimir Kristjánssons familie på farssida så langt tilbake i tid at det nærast er å rekna som ein farsarv. Eller arvesynd. Sjølv seier Kristiansson at han har visst at han skulle bli fyllik så lenge han kunne hugsa. I den kritikarrosten boka "Pabbi. Ei familiesaga om drukkenskap" skildrar han forholdet til sin alkoholiserte far, som han elska høgt, og dessutan sitt eige forhold til rusmiddelet. Kristiansson seier han med boka ønskjer å nyansera debatten rundt alkoholmisbruk, og å opna opp for ærlegare samtalar. No kjem han til Bokbyen for å snakka om boka og prosjektet. Samtalen på scena blir leidd av dagleg leiar for Den norske bokbyen, Heidi Bøhagen.