Faculty of Funk

Sunnmørsbandet Faculty of Funk dreg dei heitaste låtane når dei byr inn til fest. I år har bandet 10-årsjubileum, og feirar dette med å spele på fleire av favorittscenene! Det er alltid god stemning på Stødt, og bandet håper på å møte både nye og gamle vennar den 20.april. Det er med heile 11 faste medlemmar og med det full blåserekke, eit tight komp og solid vokal, her blir det heftige rytmar og solid trøkk frå første til siste låt. Bandet spelar på festivalar og utestadar, og lagar alltid liv der dei er. Faculty of Funk spelar hovudsakleg soul- og groovebasert musikk frå 60- og 70-talet, men har også med nokre hits frå nyare tider.