Grånibba

Grånibba gir deg Jølsterutsikt på sitt beste! På veg opp får du stadig betre og betre utsikt over Jølstravatnet og Kjøsnesfjorden. På toppen ser du heile Kjøsnesfjorden og inn mot Lunde og Tverrfjellet, og fjella og bygdene kring Jølstravatnet. Rett under deg går E39 der bilane og Helgheimskyrkja vert som små leikefigurar under føtene dine.

Turen startar på Helgheim opp via skogsveg, som du tek av der denne startar å flate ut. Vidare går turen i bratt terreng i skog og lyng oppover. Det er ingen luftige parti. Stien er delvis tydleg nokre stader, mens den kan vere vanskeleg å sjå andre plassar.

Turen kan vere spanande for fjellvande ungar. Turen opp tek 2-3 timar, og ned att 1-2 timar. Vis omsyn for dyr på beite, og lat att grinder og straumgjerder etter deg.