Jakupscena: Treak & Gjeling-Ljomen

Konsert med songen i fokus med vokaltrioen Treak frå Valdres og det lokale koret Gjeling-Ljomen. Treak er ein folkemusikalsk songtrio med Ingeborg Onstad, Ingrid Lingaas Fossum og Marit Karlberg. Musikalsk har dei fokus på trestemt og solistisk song, med følgje av langeleik og lyre. Treak har fordjupa seg i den vokale songtradisjonen etter Marit Daleng, Guri Hegge og Ragnhild Rolandsgard, alle fødde på 1880-talet, i Øystre Slidre. Desse tre kjeldene hadde til saman eit stort og mangfaldig repertoar av bådnsullar, salmer, viser og slåttetralling, som hittil har vore gøymd i arkivet. No får me høyre materialet i ei ny musikalsk drakt. Ingrid Lingaas Fossum: Song og lyre Ingeborg Onstad: Song og langeleik ​Marit Karlberg: Song og langeleik Tid: Onsdag 23. oktober kl. 19:30 ​​Stad: Garmo kyrkje, Lom Ungdomstalent: Songgruppa Sporven Billettpris: 200,-/100,-/0,- Billettar kjøpast på nett eller i døra