Øvre Standal Skålefjell

Frå parkeringsplassen i Standalsmarka går du over brua og følgjer stien mot aust. Du har då elva på høgre side eit lite stykke før du går over elva igjen og stien fortsett gjennom eit lite granfelt. Terrenget opnar seg og du fortsett opp ein liten grasbakke der stien vender mot høgre og deretter mot venstre. Vel oppe tek du av til venstre og følgjer stien til toppen av Jarskaret. Frå Jarskaret går stien utover ryggen av Skålefjell og opp til varden. Frå varden kan du velge å gå same veg tilbake eller gå til Stavang eller ned til Litle Høydal. Turen ned til Stavang er omtala som eigen tur på UT.no. Går du ned i Litle Høydal, gå tilbake til Jarskaret og vidare ned til Tunastølen der du kjem ned på traktorveg.