Robert Post

Robert Post frå Langevåg feirar 20 år som soloartist, gir ut heilt ny plate til hausten, og varmar opp no med ein miniturné. Heldige Hovdebygda får besøk. I tillegg til gitar og si eiga stemme, har Robert med seg sin faste musikalske samarbeidspartnar gjennom 15 år, Lise Sørensen på fele og vokal. Robert Post lagar sofistikert, stemningsfull og fengande pop/rock med særpreg og tidlause melodiar, som om ein blandar Sgt-Pepper-æra Beatles med Rufus Wainwrights sjarme, litt Bob Dylan og ein skvett Neil Young. Dette gjer han så bra at han har fått to Spellemann-prisar og har turnert store delar av verda.