Selesete

Fv 7 til Øystese. Ta av i rundkøyringa mot Fitjadalen. Følg skilting til Fitjadalen.

Selesete er ein gammal stølsvoll og fint turmål i området aust for Fitjadalsvatn. Staden er «sett i stand» med langbord, benker og grue til allmenn bruk, av ivrige og turglade eldsjeler og pensjonistar.

Turen passar godt som familietur , søndags- eller kveldstur, for venelag eller med kollegaer. Her kan ein dekkja til langbord med naturen som næraste nabo, med vakkert utsyn til nokre av Kvam sine høgaste fjelltoppar .

«Døgnope» og «Skisete» ligg i nærleiken, og er sett istand på same vis.

Føl skiltet mot Fitjadalen og du kan gå til Selesete på følgjande måtar

Alt 1 – parker ved Ørredalsfossen, og føl skogvegen med bom til høgre ovanfor P-plassen. Føl skilta til «Selesete»

Alt 2 – køyr litt lengre og parker ved Myraleite. Ta til høgre opp «Folkastien» 100 m lengre framme, og føl skilta

Alt 3 – køyr og parker på Krossnes, om lag halvvegs ved Fitjadalsvatn. Føl skilta. På vegen til Selesete vil du passera «Døgnope»