Sylvsteinsheia med rundtur om Åsnes stølen

Frå Tyssebrua køyrer ein Straumsnesvegen om lag 3 km. Ta av til venstre på Indre Åsnes og føl vegen 600 m til parkeringplass på Storekleiva, her er det kart på opplysningstavle. Fyrste del av turen går skogsveg fram til der du kan gå til venstre (skilta) eller halde fram på skogsvegen som er ei lenger rute, men lettare. Stien til venstre vert kalla Ingridstien og er litt bratt. Her er det flott utsyn i alle retningar. Frå varden går ein merka sti mot aust, seinare sørover der ein passerar Eikerolheia til ein kjem til eit merka kryss. Her kan ein ta stien til venstre og legge vegen om Arsteinheia og ned til Arsteinstølen eller følje stien til høgre til Åsnes og Arsteinstølen. Her går stien ned til ein velteplass og vidare ned på skogsstien til Storekleiva. Dette er og ruta ein går opp om ein vil gå den lette ruta.