Topptur til Møsnuken om Stemmedalen

Dei første 300 metrane går du på grusa sti frå parkeringsplassen på Tøsdal. Ved første kryss kan du ta til venstre opp til Linken. Dette er ein ganske bratt og tung veg. Alternativt følgjer du stien oppover granfeltet. Det er òg bratt, men terrenget flatar fint ut etter ei stund. Innover Stemmedalen har Os Turlag lagt flott til rette for turgåarar, men dette er eit terreng som krev gode sko. Underlaget varierer mellom jord, stein, røter og vått underlag. Inst i Stemmedalen kjem du til eit kryss der det er skilta til eit flyvrak frå andre verdskrigen. Her går stien til venstre mot Møsnuken. Det er fantastisk utsikt i alle retningar frå Møsnuken og høgfjellskjensla er nærdliggande. Tilbake går du over fjellerryggen mot Linken. Terrenget er kupert og det er flott utsikt heile vegen tilbake.