Utsiktstur opp Trappene og Sommarstien i Høyanger

Turen startar frå Høyanger rutebilstasjon. Følg gangvegen oppover forbi Hydro og ta av til høgre ved busskuret på bakketoppen. Her følger du trappene 1268 trinn rett opp langs røyrgata. Frå ca. trinn 600 er det fantastisk utsikt utover Høyanger, tunnelen på ca. trinn 1000 er også ei artig oppleving. Vidare følgjer ein røyrgata litt lenger på venstre side til du kjem til ei bru over den. Herifrå er Sommarstien merka til ein kjem opp til demninga Grimsosen. Nokre plassar langs stien kan det dere noko blautt, og enkelte plassar er det også bratt og sleipt. Når ein kjem ut av skogen er det fleire fine stadar ein kan sette seg ned for ein rast.

Frå demninga følgjer ein grusvegen og fjellvegen ned igjen til Høyanger. Ein kan også gå over demninga og vidare opp til Toppenhytta (ca. 1,5 t ekstra).