Vefjell - Selivarden

Det er mange plasser ein kan starta frå om ein har lyst til å gå til Selivarden. Denne turen starter frå Vefjell. Eventuelt kan du starta litt lengre nede, i ein av svingane på vegen opp til Vefjell (skilt med "Smisvingen"). Turen er skilta, samt merka med raude og kvite merker. Turen har god utsikt mot Masfjorden/ Veland heile vegen oppover. Det er jamn stigning heile vegen. Bløtt i ein del parti, bruk fjellsko eller støvler. Rastebenk med nydeleg utsikt på utsiktspunktet "Førkammen". Dette er ca. halvvegs til toppen. Selivarden ligg 395 moh. Her er det utsikt 360 grader rundt. Her er det også turbok som du kan skrive deg inn i.

På denne turen kan ein få to klipp i turkortet, som er å få kjøpt på nærbutikken på Myking. (Tanga ligger på utsiktspost Førkammen og Selivarden)